කාලෙකට ඉස්සර බාප්පලා ලොකු තාත්තලාගෙ
බඩවල් පුරවපු මඤ්ඤොක්කා මන්ඩිය
මැදින් මකුලත වැට ඉණි හිට උනා,
කටු කම්බි ගැහුනා,
ඊට පස්සෙ
,
,
,
,
කටු කම්බි ගලවලා
,
බ්ලොක් ගැඩොලෙන්
කපරාරු නොකර
තාප්පෙ බැන්දා
මැදින් පොඩි ගේට්ටුවක් දාලා,
පස්සෙ පස්සෙ ගේට්ටුවත් රෑ වෙද්දි ලොක් උනා,
සති ගානකට පස්සෙ දවසක තමයි ඔය ලොක් එක ඇරුනේ,
ඉස්සර හවසට
ඔක්කොම
වොලිබෝල් කෝඩ් එකට
එක්කහු වෙලා
බෝලෙ පේන්නැති වෙනකන්
බෝල ගැහුවා,
බාප්පගෙ ලොකු කොල්ලා දැන් 10 වසරේ
ඒකා දවසට වචන දහයකට වඩා කතාකරන්නෑලු
කාමරෙන් එලියට බහින්නෙ කන වෙලාවට විතරයිලු,
ආච්චි මගෙන් ඇහුවා
"මේ දරුවා දොස්තර කෙනෙකුටවත් පෙන්නන්න වෙයිද ලොකු පුතේ" කියලා පුන්චිට ඕක ඇහිලා ආච්චිට දෝස්මුර තිවුවා
"ඒ කොල්ලට ඇති පිස්සුවක් නෑ ඒකා ඉන්ජිනේරුවෙක් වෙන්න ඉගන ගන්නෙ" කියලා,
අනේ උගේ ඉන්ජිනේරුකන්
උගේ වැඩේම ගේම් ගහන එක,
------------------------------------------------------------------
පෙරේදා කට්ටියම වෑන් එකේ මළගෙදරක ගියා
ලොකු නැන්ද බැඳපු මාමගෙ මල්ලි
පිළිකාවක්,
අවුරුද්දක් වෙන්නෑලු බැඳලා,
අපේ සීයත් ගියා, සීයා තමයි පුවක් ගෙඩිය කපලා දුන්නෙ මගේ විටට,
සීයට දැන් අනූදෙකයි,
------------------------------------------------------------------
මිනිහා දියුණු වෙලාලු,
ලෝකෙ සංවර්ධනය වෙලාලු,
වෛද්‍ය විද්‍යාව දියුණුලු,
තාක්ශනේ දියුණුලු,
සමාජ වෙබ් අඩවිලු,
ජීවිතේ විඳින්නලු. (නැවතීමේ තිතද)
-------------------------------------------------------------------
ඇපල් බිම වැටෙන්නේ නිව්ටන් හින්දද ?
නෑ....
නිවුටන් කලේ ඒක තේරුම් ගන්න "එක" ක්‍රමයක් කියපු එක විතරයි.
ඒක පාවිච්චි කරලා සැටලයිට් යැව්වා.
දැන් එතකොට සැටලයිට් කක්ශගත වෙන්නේ නිවුටන් හන්දද?
නෑ....
විද්‍යාව හින්දද ?
ඒත් නෑ..
======================================================================
මිනිස්සු ඉපදෙන්නෙ මැරෙන්නෙ ග්‍රහ තාරකා හින්දද?
නෑ...
ග්‍රහ තාරකා වල පිහිටීමෙන් මිනිස්සුන්ගෙ ජීවිත වලට වෙන්න පුලුවන් හොඳ නරක ගැන ඉඟි දෙන්න පුලුවන්..
දැන් එතකොට ග්‍රහ තාරකාද මිනිස්සුන්ගෙ ජීවිත පාලනය කරන්නෙ??
අපෝ නෑ..
ජ්‍යෝතිශ්‍යද??
ඒත් නෑ..
=======================================================================
මඩහපොලට වැස්සෙ කපුවා හන්දද??
නෑ...
කපුවා කලේ වැස්ස වහින්න පූජාව කරන්නෝන විදිය කියලා පූජාව කරපු එක විතරයි..
දැන් එතකොට ඔය පූජාවල්ද වැස්ස පාලනය කරන්නේ??
අනේ නෑ ආයෙබොවන්ඩ....
එහෙනම් මන්තර ගුරුකම් බලි තොවිල්ද??
ඒත් නෑ....
මඩහපොල... ඒ මොකද්ද???
බැලුවෙ නැද්ද වීඩියෝව.. මේ තියෙන්නෙ..
…
---------------------------------------------------------------------------------
බස් එක
ඩ්‍රයිවර්ට...
යතුර දාලා ස්ටාර්ට් කරලා ක්ලච් එක පාගලා ගියර් දාගෙන ඉස්සරහ යන එකායි පස්සෙන් එන එකායි ගැන හිතේ තියාගෙන හප්පගන්නෙ නැතුව පාරෙ යන්න ඕන වාහනයක්
මුදලාලිට...
ලීසින් ගෙවාගෙන පඩිනඩි බේරලා නඩත්තු කරලා ලාබයක් ගන්න ඕන ව්‍යාපාරයක්
අපිට...
සල්ලි දීලා ටිකට් අරන් සීට් එකක් හොයාගෙන වාඩි වෙලා පුලුවන් තරම් ඉක්මනට ගමනාන්තෙට යාගන්න ඕන ප්‍රවාහන මාද්‍යයක්
මැකෑනික්ට..
ගියර් වීල්, පිස්ටන්, දුනුකොල,කේබල්, ගානට ටියුන් වෙච්ච එන්ජිම
------------------------------------------------------------------------------------
එතකොට විද්‍යාව බොරුද?? ජ්‍යෝතිශ්‍යය බොරුද?? මන්තර ගුරුකම් බොරුද??
නෑ ඒවා එකක්වත් බොරු නෙවෙයි.
ඔන්න ඔතනදි තමයි බුදුන් වහන්සේ දෙසූ සද්ධර්මය පහල වෙන්නේ..
අර කලින් කිව් එකක්වත් බොරු නෙවෙයි.. හැබැයි ශ්‍රී සද්ධර්මය තරම් වැඩක් නෑ...
සසර පැවැත්මට හොඳයි නැවැත්මට නෙවෙයි.
------------------------------------------------------------------------------------
